თბილისში საზაფხულო ბაღები, სადაც რეგისტრაცია დღეიდან დაიწყო, 13 ათას აღსაზრდელს მოემსახურება

თბილისში 40 საზაფხულო ბაღი 13 ათას აღსაზრდელს მოემსახურება. როგორც დედაქალაქის მერმა კახა კალაძემ მუნიციპალიტეტის მთავრობის სხდომაზე განაცხადა, რეგისტრაცია ელექტრონული ფორმით დღეიდან დაიწყო.

„სიახლე გვაქვს საზაფხულო ბაღებთან დაკავშირებით. საბავშვო ბაღების სააგენტოს ყოველწლიური სოციალური პროექტია საზაფხულო ბაღები და წელსაც ჩვენ ვიწყებთ ამ პროექტის განხორციელებას. 40 საზაფხულო ბაღი იმუშავებს, დღეიდან უკვე ხდება განცხადებების მიღება. 13 000 აღსაზრდელს ექნება საშუალება ისარგებლოს ამ ბაღებით. დღეიდან უკვე დაწყებულია განცხადებების მიღება, როგორც ვიცი, ელექტრონულად ხდება ეს ყველაფერი და ამ რეგისტრაციაში შესაძლებლობა აქვთ მონაწილეობა მიიღონ არა მხოლოდ ბაღის აღსაზრდელებმა, არამედ, 2-დან 6 წლამდე ასაკის ნებისმიერმა ბავშვმა. ყველასთვის არის ხელმისწვდომი, ვისაც სურვილი აქვს",- განაცხადა კალაძემ.

თბილისის მერიის ინფორმაციით, საზაფხულო ბაღები რაიონების მიხედვით შემდეგ სკოლამდელ დაწესებულებებში იფუნქციონირებს: გლდანის რაიონი - N153, N48 N205, N216, N186; დიდუბის რაიონი - N11, N92, N23, N15; ვაკის რაიონი - N1, N27, N142, N83, ბაგა-ბაღი „ჩიორა“; ისნის რაიონი -N202, N29, N66, N215, N182; კრწანისის რაიონი - N51, N206; მთაწმინდის რაიონი - N3, N152, N162; ნაძალადევის რაიონი - N9, N79, N60, N143, N80; საბურთალოს რაიონი - N197, N74, N112; სამგორის რაიონი - N128, N12, N210, N45, N196, N72; ჩუღურეთის რაიონი - N34, N5.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 15.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება