ლატვიაში ვიზიტის დროს საქართველოს პრეზიდენტმა ლატვიის პრემიერ - მინისტრ არტურს კრიშიანის კარინშისს საქართველოს ოკუპირებული ტერიტორიების შესახებ დეტალური ინფორმაცია მიაწოდა და აღნიშნა, რომ სამაჩაბლო, საქართველოს ერთ-ერთი ოკუპირებული რეგიონი, რუსეთმა საკუთარ სამხედრო ბაზად გადააქცია, სისტემატიურად ირღვევა ადამიანის უფლებები ოკუპირებულ ტერიტორიებზე, გადაადგილების თავისუფლებისა, თუ განათლების მიღების და აფხაზური ენის სწავლების თვალსაზრისით.
არტურს კრიშიან კარინშიმ თავად გამოთქვა მოსაზრება, საქართველოს პარტნიორმა ქვეყნებმა შეახსენონ რუსეთს საქართველოს პრობლემის გადაჭრის მნიშვნელობის შესახებ.
თავის მხრივ, საქართველოს პრეზიდენტმა დაუდასტურა აღნიშნული პოზიცია და განაცხადა, რომ საჭიროა, ორმხრივ და მრავალმხრივ საერთაშორისო ორგანიზაციებში შეხვედრებზე, მუდმივად მოხდეს რუსეთზე ზეწოლა, რათა შევახსენოთ მას ნაკისრი ვალდებულებები.
ასევე, სალომე ზურაბიშვილმა კიდევ ერთხელ აღნიშნა, რომ რუსეთის აგრესიული პოლიტიკით საქართველო უფრო ძლიერდება თავის ევროატლანტიკურ მისწრაფებებში.
ინფორმაციას საქართველოს პრეზიდენტის ადმინისტრაცია ავრცელებს.