ჩვენ კამპანიას ძალიან მშვიდ ვითარებაში ვატარებთ, თუმცა, ოპოზიციის მხრიდან პროვოკაციებს ვხედავთ“, - ამის შესახებ ზუგდიდში მყოფმა „ქართული ოცნების“ დეპუტატმა სოფიო ქაცარავამ განაცხადა. თუმცა, იქვე დასძინა, რომ ნებისმიერი გადაცდომა სამართალდამცველების მხრიდან უნდა იყოს გამოძიებული.

„მე ეჭვი არ მეპარებოდა, რომ გეგა შენგელია ღირსეული კანდიდატი იყო. რამდენიმე დღეა, რაც შევუერთდი ზუგდიდში საარჩევნო კამპანიას და კიდევ ერთხელ დავრწმუნდი, რომ ის არის ნამდვილად საქმიანი და კომპეტენტური პიროვნება. ჩვენ აქტიური კომუნიკაცია გვაქვს ზუგდიდის მოსახლეობასთან და კეთილგანწყობა აშკარაა. ეს ჩემი დაკვირვებაა და მხარდამჭერების რაოდენობა არის მაღალი. ჩვენი ამოცანა არის, რომ წინასაარჩევნო გარემო იყოს ძალიან მშვიდი. ჩვენ ძალიან მშვიდ გარემოში ვატარებთ წინასაარჩევნო კამპანიას, თუმცა პროვოკაციული ფონი არის საკამოდ მძაფრი. ეს ხდება მხოლოდ და მხოლოდ იმიტომ, რომ მოხდეს ამ მშვიდი კამპანიის დისკრედიტაცია. რა თქმა უნდა, უწყებებმა ყველანაირი რეაგირება უნდა მოახდინონ“,- განაცხადა სოფიო ქაცარავამ.