ჭიათურაში გაფიცულ მაღაროელებსა და „ჯორჯიან მანგანეზის“ ადმინისტრაციას შორის მოლაპარაკება კონკრეტული შედეგის გარეშე დასრულდა

ჭიათურაში გაფიცულ მაღაროელებსა და „ჯორჯიან მანგანეზის“ ადმინისტრაციას შორის რამდენიმესაათიანი მოლაპარაკება კონკრეტული შედეგის გარეშე დასრულდა.

როგორც ერთ-ერთმა მაღაროელმა „ინტერპრესნიუსთან“ საუბარში განაცხადა, კონკრეტული პასუხი, თუ რას გადაწყვეტენ გაფიცულების ხელფასების გაზრდასა და სამუშაო პირობების გაუმჯობესების შესახებ, მათთვის 17 მაისს გახდება ცნობილი.

მაღაროელის თქმით, შეხვედრა 17 მაისს, 15:00 საათზე არის ჩანიშნული.

ცნობისთვის, 15 მაისს, საღამოს საათებში ჭიათურაში, „ჯორჯიან მანგანეზის“ მუშათა საერთო საცხოვრებლის 170-მდე თანამშრომელმა სამუშაო ადგილებზე გასვლაზე უარი განაცხადა.