„სამხრეთ ოსეთის“ დე ფაქტო ხელისუფლების წარმომადგენლები - ქართულმა პოლიციამ და უპილოტო საფრენმა აპარატებმა საზღვარი დაარღვიეს

„სამხრეთ ოსეთის“ დე ფაქტო ხელისუფლების წარმომადგენლები საქართველოს ხელისუფლებას ე.წ. საზღვრის დარღვევაში ადანაშაულებენ და აცხადებენ, რომ ქართულმა პოლიციამ და უპილოტო საფრენმა აპარატებმა ე.წ. საზღვარი დაარღვიეს. აღნიშნულის შესახებ ოსური მედია წერს. მათივე ინფორმაციით, ამ საკითხებზე ოკუპირებული ცხინვალის რეგიონის ე.წ. დელეგაციის წარმომადგენლებმა ინციდენტების პრევენციისა და მათზე რეაგირების მექანიზმების ფარგლებში გამართულ შეხვედრაზე ისაუბრეს. ე.წ. დელეგაციის ხელმძღვანელის, იგორ კოჩიევის თქმით, უპილოტო საფრენი აპარატები სამჯერ გამოავლინეს.

„უპილოტო საფრებმა აპარატებმა ერთსაათიანი ინტერვალით სამჯერ დაარღვიეს სამხრეთ ოსეთის საჰაერო სივრცე. მათ გადაუფრინეს იმ ადგილს, სადაც ჩვენი სასაზღვრო პუნქტია. უპილოტო საფრენი აპარატები 10 წუთის განმავლობაში დაბალ სიმაღლეზე დაფრინავდნენ. ქართულმა მხარემ უპილოტო საფრენი აპარატების კუთვნილების თაობაზე კომენტარი არ გააკეთა და აღნიშნა, რომ ეს შეიძლება ყოფილიყვნენ ტურისტები ან მოზარდები“, - განაცხადა კოჩიევმა.

რაც შეეხება პოლიციის მიერ ე.წ. საზღვრის დარღვევას, კოჩიევი ამბობს, რომ ეს ფაქტიც იმავე რაიონში გამოვლინდა, სადაც უპილოტო საფრენი აპარატი დაფრინავდა.

„ზნაურის რაიონში პოლიციის მანქანა შემოვიდა, საზღვრის აღმნიშვნელ ნიშანთან გაუჩერებლად წრე დაარტყა და საქართველოს ტერიტორიაზე დაბრუნდა. მეორე შემთხვევაში კი პოლიცია დაახლოებით 150 მეტრით იყო შემოსული ჩვენს ტერიტორიაზე და ცხელი ხაზის ამოქმედების შემდეგ, ისინი კვლავ საქართველოს ტერიტორიაზე გადავიდნენ“, - განაცხადა იგორ კოჩიევმა.

ცხინვალის დეფაქტო ხელისუფლება ქართულ მხარეს დრონებით ე.წ. საზღვრის დარღვევაში ადანაშაულებს

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს