ავლაბარში, ბოჭორმის ქუჩაზე, მშენებლობის მიზნით ხეების მოჭრა მიმდინარეობს. მშენებლობას, დამკვეთი კომპანია „ავლაბარი ჰოტელ რეზიდენსი” აწარმოებს.
როგორც „ინტერპრესნიუსს” თბილისის მერიის გარემოს დაცვის საქალაქო სამსახურში განუცხადეს, ბოჭორმის ქუჩაზე სასტუმროს მშენებლობის გამო, კომპანიის მიერ ხეების მოჭრის ფაქტი შეთანხმებული იყო თბილისის მერიის გარემოს დაცვის საქალაქო სამსახურთან.
„გადარგულია 19 ჯანსაღი ხე, მოიჭრა 36 ხმელი და 4 ზეხმელი ხე. მშენებელს აქვს დენდროლოგიური პროექტი და აღნიშნულის სანაცვლოდ 40 ძირი ახალი ნარგავი დაირგვება”, - აცხადებენ მერიის პრესსამსახურში.
იხილეთ ვიდეო: ავლაბარში, ბოჭორმის ქუჩაზე, მშენებლობის მიზნით, ხეების მოჭრა მიმდინარეობს