საპარლამენტო მმართველობის თემაზე ლაგოდეხში ესეების კონკურსის გამარჯვებული გამოვლინდა

ქართული პარლამენტარიზმის 100 წლისთავთან დაკავშირებით, ლაგოდეხისა და ყვარლის მაჟორიტარი პარლამენტის წევრის, გურამ მაჭარაშვილის ინიციატივით, ლაგოდეხელ ახალგაზრდებს შორის საპარლამენტო მმართველობის თემაზე, ესეების კონკურსი ჩატარდა.

როგორც „ინტერპრესნიუსს“ საქართველოს პარლამენტიდან აცნობეს, კონკურსში 15 - დან 20 წლამდე სკოლის მოსწავლეები და სტუდენტები მონაწილეობდნენ. გამარჯვებული კონკურსანტების დაჯილდოება ლაგოდეხის ცენტრში გაიმართა, რომელსაც ადგილობრივი მოსახლეობა დაესწრო.

კონკურსში გამარჯვება ლაგოდეხის მუნიციპალიტეტის სოფელ ვარდისუბნის საჯარო სკოლის მოსწავლემ, ნინო გოგოლაძემ მოიპოვა, მეორე და მესამე ადგილი ლაგოდეხის № I საჯარო სკოლის მოსწავლეებმა ტარიელ ხარატიშვილმა და მარიამ მანჯგალაძემ გადაინაწილეს.

გურამ მაჭარაშვილმა კონკურსის მიზნებზე ისაუბრა და განმარტა, რომ ის მიზნად ისახავდა საპარლამენტო მმართველობის საკითხებზე ახალგაზრდების ცნობიერების ამაღლებას, ასევე კონკურსი მიეძღვნა პარლამენტარიზმის 100 წლის იუბილეს. კონკურსში მონაწილეობა ადგილობრივმა ბიზნესმაც მიიღო, მათ გამარჯვებულ ახალგაზრდებს ფულადი ჯილდოები გადასცეს. სკოლის დირექტორების და დამსწრე საზოგადოების შეფასებითი, მსგავსი აქტივობები, მნიშვნელოვანია არა მხოლოდ ღონისძიების უშუალოდ მონაწილეების, არამედ ზოგადად ლაგოდეხის მოსახლეობისთვის. დეპუტატის ბიუროში კი აანონსებენ, რომ ზაფხულის განმავლობაში ლაგოდეხსა და ყვარელში უამრავ შემეცნებით და საინფორმაციო ტიპის ახალ აქტივობას განახორციელებენ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს