სადისტრიბუციო კომპანია „კადევე საქართველოსთან" შეთანხმება შედგა და კომპანიის თანამშრომლების ოთხდღიანი გაფიცვა შეწყდა, - ამის შესახებ „ინტერპრესნიუსს“ გაერთიანებული პროფკავშირების პრესსამსახურიდან აცნობეს. მათივე ინფორმაციით, ოთხდღიანი გაფიცვის შემდეგ პროფკავშირებმა წარმატებას მიაღწია და პროფკავშირული ნიშნით სამსახურიდან დათხოვნილ ერთ პირს დამსაქმებელი სამსახურში აღადგენს, 20-25%ით გაიზრდება ყველა დასაქმებულის ხელფასი და შრომის კოდექსის შესაბამისად მოხდება ზეგანაკვეთური შრომის ანაზღაურება.

პროფკავშირების ცნობით, სადისტრიბუციო კომპანია „კადევე საქართველოს“ მუშაობა ორ საათში სრულად აღდგება. საპროტესტო აქციებში გასული ოთხი დღის განმავლობაში დასაქმებულთა დიდი ნაწილი მონაწილეობდა.