18 მაისს, საქართველოს ტექნიკური უნივერსიტეტი, STEM-აკადემიის საინფორმაციო შეხვედრას გამართავს. ამის შესახებ „ინტერპრესნიუსს“ ტექნიკური უნივერსიტეტიდან აცნობეს.
მათი ინფორმაციით, საქართველოს ტექნიკური უნივერსიტეტის STEM-აკადემიის საინფორმაციო შეხვედრა გამიზნულია მომავალი აბიტურიენტებისთვის და მასში მონაწილეობის მიღება შეუძლია მე-11 კლასის მოსწავლეებს, რომლებიც საქართველოში ამერიკული განათლების მიღებით არიან დაინტერესებულნი.
„წინასწარი რეგისტრაციის გავლა შესაძლებელია ონლაინ რეჟიმში: http://gtu.ge/AboutStu/stem.php
STEM-აკადემიის საინფორმაციო შეხვედრაზე მომავალი აბიტურიენტები მიიღებენ მომწურავ ინფორმაციას ტექნიკურ უნივერსიტეტში სან დიეგოს სახელმწიფო უნივერსიტეტის ( SDSU ) საბაკალავრო პროგრამებისა და საზღვარგარეთ სწავლის შესაძლებლობის შესახებ.
ჩვენი საბაკალავრო პროგრამებია: სამოქალაქო ინჟინერია, კომპიუტერული ინჟინერია და ელექტრული ინჟინერია.
STEM-აკადემიის საინფორმაციო შეხვედრაზე მომავალი აბიტურიენტები გაეცნობიან საინტერესო პრეზენტაციებს და მონაწილეობას მიიღებენ STEM-თამაშებში. მონაწილეებს გადაეცემათ სამახსოვრო საჩუქრები და STEM-სერთიფიკატები.
დეტალური ინფორმაციისთვის, გთხოვთ, ეწვიოთ ბმულს საქართველოს ტექნიკური უნივერსიტეტის ვებგვერდზე: http://gtu.ge/News/12268/ ასევე, ინფორმაციის მოძიება შესაძლებელია სტუ-ის ფეისბუქის გვერდზე.
საინფორმაციო შეხვედრა შედგება ტექნიკური უნივერსიტეტის მე-9 კორპუსში, მერაბ კოსტავას N77.
მონაწილეებს რეგისტრაციის გავლა შეეძლებათ 11:30-დან 12:00 საათამდე. შეხვედრა 12:00 საათზე დაიწყება და 16:00 საათამდე გაგრძელდება“, - აღნიშნულია საქართველოს ტექნიკური უნივერსიტეტის მიერ გავრცელებულ ინფორმაციაში.