მუზეუმების საერთაშორისო დღე მრავალფეროვანი პროგრამით აღინიშნება

18 მაისს, მუზეუმების საერთაშორისო დღის აღსანიშნავად, ხელოვნების სასახლე სტუმრებს მრავალფეროვანი პროგრამით სრულიად უფასოდ უმასპინძლებს. ამის შესახებ „ინტერპრესნიუსს“„პალიტრა L"-დან აცნობეს.

მათივე ინფორმაციით, 19:00 საათზე, ხელოვნების სასახლის „უკვდავთა ბაღში“ საღამო გაიხსნება სუხიშვილების ანსამბლის მიერ შესრულებული ცეკვით - ლაზური.

19:30 საათზე, ხელოვნების სასახლის დირექტორი გიორგი კალანდია გამოფენას „ქართული ეროვნული სამოსი - ისტორია და თანამედროვეობა“ გახსნის. ექსპოზიციის ფარგლებში ხელოვნების სასახლეში დაცულ ისტორიული კოსტიუმებთან ერთად წარმოდგენილი იქნება ნაციონალური სამოსის სახლის მიერ, ეროვნულ მოტივებზე შექმნილი თანამედროვე ქართული სამოსიც. 20:00 საათზე ხელოვნების სასახლის წითელ ხალიჩაზე ქართველი დრამერები წარმოადგენენ დასარტყამი და სასულე საკრავების შოუს.

21:30 საათზე, პროექტის ფარგლებში „დიდი მხატვრების შედევრები“, „პალიტრა მედიასა“ და ხელოვნების სასახლის ორგანიზებით, მუზეუმის „უკვდავთა ბაღში“ მოეწყობა იტალიელი მხატვრის - ამადეო მოდილიანისადმი მიძღვნილი მხატვრული ფილმის დიდ ეკრანზე ჩვენება.

23:00 საათზე, საღამო დასრულდება გრანდიოზული ფოიერვერკით.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა