საგარეჯოს საკრებულოს შუალედურ არჩევნებში, „ქართული ოცნების“ კანდიდატმა ზურაბ შინდელაშვილმა გაიმარჯვა

საგარეჯოს მუნიციპალიტეტში, სადაც საკრებულოს შუალედური არჩევნები გაიმართა, პირველ ადგილს 72,4%-ით „ქართული ოცნების“ კანდიდატი ზურაბ შინდელაშვილი იკავებს. ეს რაოდენობრივად 244 ხმაა. მეორე ადგილს 26,71%-ით იკავებს „ერთიანი ნაციონალური“ მოძრაობის კანდიდატი ირაკლი ჯინჭარაძე. მან 90 ხმა მიიღო. აღნიშნული მონაცემები ცენტრალური საარჩევნო კომისიის სპეციალურ ვებ-გვერდზეა გამოქვეყნებული.

ცესკოს ცნობით, დანარჩენმა კანდიდატებმა ხმათა 1%-ზე ნაკლები მიიღეს. აღნიშნულ ოლქში გახსნილი იყო სულ 1 უბანი.