ზუგდიდში ყველა საარჩევნო უბნის დათვლის შემდეგ, „ქართული ოცნების“ კანდიდატმა გიორგი შენგელიამ ხმების 54,18%, სანდრა რულოვსმა კი 42,84% მიიღო

ცესკოს პირველადი მონაცემებით, ზუგდიდის ოლქში "ქართული ოცნების" კანდიდატმა გიორგი შენგელიამ ხმათა 54,18%, ხოლო "გაერთიანებული ოპოზიციის" კანდიდატმა სანდრა რულოვსმა 42,84% მიიღო. რაოდენობრივად კი მათ შორის ხმები ასე გადანაწილდა: გიორგი შენგელია 30 470, სანდრა რულოვსი - 24 095. ამის შესახებ ცენტრალური საარჩევნო კომისიის სპეციალ ვებ-გვერდზე განთავსებულ მონაცემებშია აღნიშნული. ამავე მონაცემებში აღნიშნულია, რომ მერობის დანარჩენმა კანდიდატებმა ხმათა 1%-ზე ნაკლები მოიპოვეს.

19 მაისის არჩევნებზე ყველაზე მეტი საარჩევნო უბანი - 107 - სწორედ ზუგდიდის საარჩევნო ოლქში იყო გახსნილი და ამ დროისთვის ყველა უბნის მონაცემია დათვლილი.