დარგობრივი ეკონომიკისა და ეკონომიკური პოლიტიკის კომიტეტის თავმჯდომარე რომან კაკულია კომიტეტისთვის სახელწოდების შეცვლის ინიციატივით გამოდის.
კაკულია პარლამენტს რეგლამენტში ცვლილებების პროექტს სთავაზობს, რომლის თანახმად, კომიტეტს ეკონომიკური პოლიტიკის კომიტეტი დაერქმევა.
დეპუტატის შეფასებით, სახელწოდების შეცვლით, მკაფიოდ გამოიკვეთება ეკონომიკური პოლიტიკის კომიტეტის როლი, როგორც პოლიტიკის განმსაზღვრელისა და მაკოორდინირებელი სტრუქტურული ერთეულის.
რეგლამენტში ცვლილებების პროექტი პარლამენტის ბიუროს უახლოეს სხდომაზე წარედგინება.