„საქსტატის“ დირექტორი - გარკვეულმა კატეგორიამ სამუშაოს პოვნის იმედი დაკარგა - ისინი გადადიან ეკონომიკურად არააქტიურ მოსახლეობაში

უმუშევრების საკმაოდ მნიშვნელოვანი ნაწილი გადასულია ეკონომიკურად არააქტიურ მოსახლეობაში, ანუ გაიზარდა მოსახლეობა სამუშაო ძალის გარეთ, - ამის შესახებ „საქსტატის“ აღმასრულებელმა დირექტორმა გოგიტა თოდრაძემ პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე, დეპუტატების კითხვის საპასუხოდ, უმუშევრობის მაჩვენებლის შემცირების კომენტირებისას განაცხადა.

როგორც „საქსტატის“ დირექტორმა განმარტა, ბოლო მონაცემებით უმუშევრობის დონის შემცირება ძირითადად უკავშირდება ეკონომიკურად არააქტიური მოსახლეობის ზრდას, რაც მათ შორის იმას გულისხმობს, რომ ადამიანების გარკვეულმა კატეგორიამ დაკარგა სამუშაოს პოვნის იმედი.

„უმუშევრობის მაჩვენებელი ბოლო მონაცემების მიხედვით, შემცირდა, ამის ერთ-ერთი მიზეზი გახლავთ ის, რომ უმუშევართა გარკვეული ნაწილი დაქირავებულთა კატეგორიაში გადავიდა და თუ ტენდენციას დავაკვირდებით, საკმაოდ მნიშვნელოვანი ნაწილი გადასულია ეკონომიკურად არააქტიურ მოსახლეობაში, ანუ გაიზარდა მოსახლეობა სამუშაო ძალის გარეთ. თუ ადრე ეს მაჩვენებელი 1 მილიონის ფარგლებში იყო, დღეს დაახლოებით 1 100 000 მიუახლოვდა. ეს იქიდან გამომდინარეობს, რომ გარკვეულმა კატეგორიამ, თუნდაც დაკარგა სამუშაოს პოვნის იმედი და სამსახურს თუ აღარ ეძებს ადამიანი, მეთოდოლოგიის მიხედვით გადადის ეკონომიკურად არააქტიურ მოსახლეობაში,“-განაცხადა გოგიტა თოდრაძემ.

შეგახსენებთ, საქსტატის მონაცემებით, 2019 წლის I კვარტალში საქართველოში უმუშევრობის დონე წინა წლის შესაბამის პერიოდთან შედარებით 1.2 პროცენტული პუნქტით შემცირდა და 12.8 პროცენტი შეადგინა.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 17.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა