არასამთავრობო სექტორი სამხედრო მოსამსახურეებს შეხვდა

IV მექანიზებულ ბრიგადაში საქართველოს თავდაცვის ძალების სავალდებულო სამხედრო მოსამსახურეებთან არასამთავრობო სექტორის წარმომადგენლების შეხვედრა გაიმართა.

თავდაცვის სამინისტროს ინფორმაციით, გაზეთ „რეზონანსის“ მთავარი რედაქტორი ლაშა ტუღუში და „მრავალეროვანი საქართველოს“ თავმჯდომარე არნოლდ სტეფანიანი თავდაცვის ძალების სავალდებულო სამხედრო სამსახურში მყოფ ქართველ, ასევე სხვადასხვა ეთნიკური ჯგუფის წარმომადგენელ სამხედროებსა და ბრიგადის ხელმძღვანელობას გაესაუბრნენ.

მათივე ცნობით, არასამთავრობო სექტორი ეთნიკური უმცირესობების წარმომადგენლების ჯარში ინტეგრაციის კუთხით არსებული მდგომარეობით დაინტერესდნენ.

ლაშა ტუღუშმა აღნიშნა, რომ ჯარში, ეთნიკური წარმომავლობის მიუხედავად, საქართველოს მოქალაქეების ერთიანობა ქვეყნისა და თავდაცვის ძალების სიმყარის საფუძველია. არნოლდ სტეფანიანის განცხადებით კი, საქართველო ამ კონტექსტით რეგიონში სამაგალითოა. მან ყურადღება ეთნიკური უმცირესობების სახელმწიფო ენის სწავლების მნიშვნელობაზეც გაამახვილა.

პროექტის იდეა „მინისტრის პირისპირ“ ფორმატში თავდაცვის მინისტრ ლევან იზორიასთან მესამე სექტორის შეხვედრის შემდეგ დაიგეგმა. წვევამდელებთან არასამთავრობო ორგანიზაციების წარმომადგენლების შეხვედრები რეგულარულ ხასიათს ატარებს.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს