სრულიად საქართველოს, საქართველოს თითოეულ მოქალაქეს, ჩვენს ემიგრანტებს მინდა მივულოცო საქართველოს დამოუკიდებლობის დღე, - ამის შესახებ საქართველოს პრემიერ-მინისტრმა მამუკა ბახტაძემ განაცხადა.
„ ეს არის ჩვენი მთავარი ეროვნული დღესასწაული. საქართველოს მრავალსაუკუნოვან ისტორიაში თაობები იბრძოდნენ, რომ შემდგარიყო დღევანდელი დღე, საქართველო ყოფილიყო დამოუკიდებელი და თავისუფალი. ეს ბრძოლა საქართველოს თავისუფლებისთვის, ჩვენი მშვიდობისთვის, უკეთესი მომავლისთვის დღესაც გრძელდება. მე, კიდევ ერთხელ მსურს ყველას, ვისაც საქართველოზე გული შესტკივა, ვისაც ამ წლების განმავლობაში წვლილი აქვს შეტანილი ჩვენი სახელმწიფოებრიობის გაძლიერებაში - ყველას მადლობა გადავუხადო", განაცხადა ბახტაძემ.