დილის 06:00 საათიდან ცხინვალის მარიონეტულმა რეჟიმმა დანარჩენ საქართველოსთან ადმინისტრაციული საზღვარი გახსნა, რომელიც უკვე ჩვეულ რეჟიმში ფუნქციონირებს. ამის შესახებ ადგილობრივი მედიასაშუალება „რესი“ იუწყება.

ე.წ. უშიშროების კომიტეტის ინფორმაციით, „საზღვრის“ დახურვა 24 მაისს „სამხრეთ ოსეთში“ სკოლებში სასწავლო პროცესის დასრულებას და „ბოლო ზარს“ უკავშირდებოდა.

ცნობილია, რომ ოკუპირებულ ტერიტორიაზე გადასასვლელად ოთხი „საკონტროლო გამშვები პუნქტი“ ფუნქციონირებს: ხელჩუაში, სინაგურში, ქარძმანსა და ახალგორში.