ხორავას ქუჩაზე მომხდარი მკვლელობის საქმეზე მსჯავრდებული არასრულწლოვნების გ.ჯ.-სა და გ.ბ.-ს საქმეზე გადაწყვეტილებას თბილისის სააპელაციო სასამართლო 3 ივნისს გამოაცხადებს.

დღევანდელ სასამართლო სხდომაზე მჯავრდებულმა არასრულწლოვნებმა საბოლოო სიტყვით ისარგებლეს.

როგორც ერთ-ერთი მათგანის ადვოკატმა, ტარიელ კაკაბაძემ განაცხადა, მსჯავრდებულებმა მოკლედ ისაუბრეს საქმეში არსებულ ფაქტობრივ გარემოებებთან დაკავშირებით. კაკაბაძე ამბობს, რომ სახელმწიფო ბრალდება ერთადერთი მოწმის ჩვენებას ეყრდნობა, რომელმაც მისივე თქმით, 10-ჯერ შეცვალა ჩვენება.

დღესვე, თბილისის სააპელაციო სასამართლოს წინ, არასამთავრობო ორგანიზაციის წარმომადგენლებმა აქცია გამართეს ლოზუნგით "აღასრულე სამართალი".

პროცესი თბილისის სააპელაციო სასამართლოში 3 ივნისის, 12:00 საათზე გაიმართება.