მენი ბენიშმა - სამინისტროს მხრიდან ტექნოლოგიებისადმი განსაკუთრებული მიდგომა უმნიშვნელოვანესია, რადგან მსოფლიო ტექნოლოგიებზეა დამოკიდებული

ტექაბის აკადემიისა და დეველოპური ცენტრის ერთ-ერთი დამფუძნებელი მენი ბენიშმა საქართველოში გლობალური სტარტაპ ფონდის ოფიციალური გახსნა შეაფასა. ამის შესახებ ინფორმაციას საქართველოს განათლების, მეცნიერების კულტურისა და სპორტის სამინისტრო ავრცელებს.

მენი ბენიშის აზრით, ეს სიახლე ქართულ სტარტაპებს მრავალმილიონიან ინვესტიციასთან უხსნის წვდომას და მან ხაზი გაუსვა, რომ სამინისტროს მხრიდან ტექნოლოგიებისადმი განსაკუთრებული მიდგომა უმნიშვნელოვანესია. მისი თქმით, აუცილებელია, რომ ბავშვები ტექნოლოგიებით ადრეული ასაკიდან დაინტერესდნენ.

„სამინისტროს მხრიდან ტექნოლოგიებისადმი განსაკუთრებული მიდგომა უმნიშვნელოვანესია. მსოფლიოს მომავალი დამოკიდებულია ტექნოლოგიებზე და ჩვენ უკვე ვიცით, რომ ბოლო წლებში ტექნოლოგიები ძალიან სწრაფად ცვლის მსოფლიოს. ამიტომ, ჩვენ თუ გვინდა საქართველოში შევქმნათ ეს ცოდნა, უნდა დავიწყოთ საბავშო ბაღებიდან, რათა განვითარდნენ ამ მიმართულებით.

ჩვენ ტექნოლოგიებით უნდა დავაინტერესოთ ბავშვები სამი-ოთხი წლიდან. ეს პროცესი ბაღებიდან გადავა სკოლებში, სკოლებიდან აკადემიაში და ეს მომავალში განვითარებამდე მიგვიყვანს. ჩვენთან უკვე დასაქმებულია 22-23 წლის 35- მდე ბავშვი, რომლებმაც ისწავლეს 6 თვე და აქვე დაიწყეს მუშაობა სტარტაპებში.

როცა ბავშვი მიხვდება, რომ ტექნოლოგია ცვლის მსოფლიოს, ცვლის მედიცინას, ტრანსპორტს, მშენებლობას და ზოგადად ყველაფერს ცვლის, მას ექნება მონდომება, რაც მსოფლიოსაც შეცვლის და საქართველოსაც შეცვლის“, - განაცხადა მენი ბენიშმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა