დღეს ევანგელურ-ლუთერული ეკლესია ქრისტიანთათვის ერთ-ერთ უდიდეს დღესასწაულს, მაცხოვრის ამაღლებას აღნიშნავს. ამის შესახებ “ინტერპრესნიუსს“ რელიგიის საკითხთა სახელმწიფო სააგენტოდან აცნობეს.
სახარების თანახმად, აღდგომიდან მეორმოცე დღეს უფალი უკანასკნელად გამოეცხადა თავის მოწაფეებს, მოუწოდა სახარება ექადაგათ და შემდგომ, მათ თვალწინ, ზეცად ამაღლდა.
რელიგიის საკითხთა სახელმწიფო სააგენტო ულოცავს ევანგელურ–ლუთერულ ეკლესიასა და მის მრევლს, მშვიდობასა და კეთილდღეობას უსურვებს.