დღეს კათოლიკური სამყარო მაცხოვრის ამაღლებას ზეიმობს. როგორც „ინტერპრესნიუსს“ რელიგიის საკითხთა სახელმწიფო სააგენტოდან აცნობეს, კათოლიკე ქრისტიანებს სააგენტო დღესასწაულს ულოცავს და მათ წარმატებასა და სულიერ ამაღლებას უსურვებს.

„სახარება გვაუწყებს, რომ ბრწყინვალე აღდგომიდან მეორმოცე დღეს უფალი უკანასკნელად გამოეცხადა თავის მოწაფეებს, აღუთქვა მათ, რომ მოუვლენდა სულიწმინდის მადლს და იერუსალიმში დარჩენა უბრძანა. ამის შემდგომ გამოიყვანა მისი მოწაფეები ელეონის მთაზე, აკურთხა და ზეცად ამაღლდა.

რელიგიის საკითხთა სახელმწიფო სააგენტო ულოცავს კათოლიკე ქრისტიანებს დღესასწაულს, წარმატებებს და სულიერ ამაღლებას უსურვებს მათ“, - ნათქვამია ინფორმაციაში.