ანა ნაცვლიშვილი  მოზარდების მკვლელობის საქმეზე - სააპელაციო სასამართლომ მნიშვნელოვანი ნაბიჯი გადადგა სამართლიანობის გზაზე

ხორავას ქუჩაზე მოზარდების მკვლელობის საქმეზე თბილისის სააპელაციო საამართლოს მიერ გამოტანილ გადაწყვეტილებას ახალგაზრდა იურისტთა ასოციაციის ყოფილი თავმჯდომარე ანა ნაცვლიშვილი ეხმაურება.

როგორც ნაცვლიშვილი ამბობს, გუშინ, სააპელაციო სასამართლომ სამართლიანობის გზაზე მნიშვნელოვანი ნაბიჯი გადადგა. ის აღნიშნულ საქმეში სარალიძისა და მისი ადვოკატის, ნესტან ლონდარიძის წვლილზეც საუბრობს.

„გუშინ თბილისის სააპელაციო სასამართლომ მნიშვნელოვანი ნაბიჯი გადადგა სამართლიანობის გზაზე - ხორავას ქუჩის ტრაგედიის საქმეზე გამოტანილი განაჩენი მაქვს მხედველობაში. ვულოცავ ბატონ ზაზას! მისი თავდადების და შეუვალობის წინაშე კვლავაც ქედს ვიხრი, რომ არა მისი უკომპრომისო ბრძოლა, ეს საქმეც ჩაიფარცხებოდა, როგორც არაერთი სხვა. ვულოცავ თავად სასამართლოს, რომ ეს შეძლო (ისევე, როგორც პირველ ინსტანციაში მოსამართლემ ძალიან გაბედული და ერთადერთი სწორი გადაწყვეტილება მიიღო). ეს მაგალითი კიდევ ერთხელ გვაჩვენებს: სასიცოცხლოდ მნიშვნელოვანია, რომ გვქონდეს სრულიად დამოუკიდებელი, მიუკერძოებელი და სამართლიანი სასამართლო და ასეთი განაჩენები იყოს არა გამონაკლისი, არამედ უგამონაკლისო წესი (როცა ეს მოხდება, მაშინ პროკურატურაც ვეღარ გაბედავს თეთრი ძაფით შეკეროს საქმეები)! ვულოცავ საგამოძიებო კომისიას, რომლის წვლილიც უდიდესია სიმართლის გამოაშკარავებაში, მედიას, ვინც აქტიურად აშუქებდით ამ საქმეს, საზოგადოებას, ვინც გულშემატკივრობდით ამ პროცესს და რაც ძალიან მნიშვნელოვანია, ვულოცავ მისი ინტერესების დამცველ იურისტებს - ადამიანის უფლებათა ცენტრს.

სამართლიანობისთვის ბრძოლის ამ დიდ ისტორიაში, ერთი „პატარა დეტალი“ მომხვდა თვალში და არ შემეძლო არ გამეზიარებინა: გუშინ, დავურეკე ნესტანს, მივულოცე და დამატებით გავცვალეთ აზრები განაჩენზე. მისი წვლილი ამ წარმატებაში ძალიან დიდია, ეს რომ ვუთხარი, იცით რა მიპასუხა? მადლობა ყველას, თქვენ, ვინც ამ საქმეზე ასე აქტიურობდით, ეს რომ არა, შედეგი არ დადგებოდაო, ძალიან თავმდაბლად ისაუბრა საკუთარ წვლილზე. იცით, ეს რას ნიშნავს ჩვენს ყოფით კულტურაში, სადაც ყველას მარტო ჩვენი თავი გვგონია ქვეყნის გადამრჩენი (ჩვენამდე რომ მზე არ ამოდიოდა, ან თუ ამოდიოდა, ისე ვერ ანათებდა) და სხვისი წვლილის აღიარება განსაკუთრებით ეძნელებათ ადამიანებს... აქაც გილოცავ, წარმატების ასე მიღება და განაწილება იშვიათი, ძალიან ღირსეული თვისებაა და არ შემეძლო ეს არ აღმენიშნა”, - წერს ნაცვლიშვილი „ფეისბუქზე“.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა