მსოფლიო ეკონომიკური ფორუმის ცენტრის ხელმძღვანელი - განათლების მიმართულებით საქართველო დანარჩენი მსოფლიოსთვის წარმატების ნიმუში გახდება

აშშ-ში, სან-ფრანცისკოში სამუშაო ვიზიტით მყოფმა საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა მსოფლიო ეკონომიკური ფორუმის მეოთხე ინდუსტრიული რევოლუციის - C4IR-ის გლობალური ქსელის ხელმძღვანელს, პროფესორ მურათ სონმეზს განათლების კომპლექსური რეფორმის მიმართულებები გააცნო.

სამინისტროს ცნობით, ორხრივ შეხვედრაზე საუბარი შეეხო საქართველოში მიმდინარე განათლების სისტემის ტრანსფორმაციას, კერძოდ , ტექნოლოგიური და ინოვაციური მიდგომების დანერგვას სწავლის პროცესში და ხარისხიანი განათლების მნიშვნელობას ქვეყნის ეკონომიკის გნავითარებაში, ასევე, “ახალი სკოლის“ მოდელსა და უმაღლესი განათლების მიმართულებით დაგეგმილ ცვლილებებს. მხარეებმა შეხვედრაზე ტექნოლოგიების მიმართულებით სამომავლო თანამშრომლობის საკითხებიც განიხილეს.

„აღფრთოვანებული ვარ თქვენს რეფორმებთან დაკავშირებით. განათლების მიმართულებით საქართველო გახდება წარმატების ნიმუში დანარჩენი მსოფლიოსთვის. მოტივირებული ვარ, რომ საქართველო ხდება ლიდერი სწრაფად განვითარებადი რეფორმებით. ამიტომ გვჯერა განათლების რეფორმის წარმატების საქართველოში და მაქსიმალურად დავუჭერთ მხარს. მსოფლიო ეკონომიკური ფორუმი, რომელიც 50 წლის წინ დაარსდა, არის მულტისექტორული თანამშრომლობის პლატფორმა. ის აერთიანებს მთავრობებს, კერძო სექტორს, სამოქალაქო საზოგადოებას აკადემიას და ჩვენი კარი ღიაა საქართველოს მთავრობისთვის, ქართველი ხალხისთვის და გვექნება ძლიერი თანამშრომლობა“, - განაცხადა მურათ სონმეზმა.

ეკონომიკური ფორუმის მმართველი დირექტორი და C4IR გლობალური ქსელის ხელმძღვანელი მურათ სონმეზი სამეცნიერო-ტექნოლოგიურ სფეროში მრავალი წელია მოღვაწეობს მსოფლიო მასშტაბით. უმსხვილეს ტექნოლოგიურ უნივერსიტეტებში ის არაერთი სამეცნიერო პროგრამის ხელმძღვანელია, როგორც თურქეთში, ასევე აშშ-ში. ამავდროულად, ის სარედაქციო საქმიანობას ეწევა არაერთ პრესტიჟულ სამეცნიერო გამოცემაში.

საქართველოს განათლების, მეცნიერების მინისტრი მიხეილ ბატიაშვილი, აშშ-ში განათლების საკითხებში პრემიერ-მინისტრის მრჩეველთან მიხეილ ჩხენკელთან ერთად იმყოფება.

სამუშაო ვიზიტის ფარგლებში მინისტრი წამყვანი საერთაშორისო ორგანიზაციების სტენფორდის უნივერსიტეტისა და აშშ-ს „სილიკონ ველის“ წარმომადგენლებთან გამართავს შეხვედრებს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში