საქართველოს პრემიერ-მინისტრი, მამუკა ბახტაძე მუსლიმ მოქალაქეებს რამაზანის თვის დასრულებას ულოცავს.

პრემიერი თითოეულ მუსლიმს სიმშვიდესა და ბედნიერებას უსურვებს.

„ვულოცავ ყველა ჩვენს მუსლიმ მოქალაქეს რამაზანის თვის დასრულებას, დიდ რელიგიურ დღესასწაულს - რამაზან-ბაირამს და ვუერთდები თქვენს ზეიმს. გისურვებთ თითოეულ თქვენგანს სულიერ სიმშვიდეს და ბედნიერებას. ჩვენს ქვეყანას და თქვენს ოჯახებს ვუსურვებ მშვიდობიან მომავალს, წინსვლასა და წარმატებებს“, - აღნიშნულია მისალოც წერილში.