ირაკლი კობახიძე არ გამორიცხავს, რომ მოზარდების მკვლელობის საქმის გამოძიების ფარგლებში რიგი თანამდებობის პირის პასუხისმგებლობის საკითხი დადგეს

პარლამენტის თავმჯდომარე ირაკლი კობახიძე არ გამორიცხავს, რომ ხორავას ქუჩაზე მომხდარი მკვლელობის საქმის გამოძიების ფარგლებში რიგი მაღალჩინოსნის პასუხისმგებლობის საკითხი დადგეს.

როგორც კობახიძემ ჟურნალისტებთან საუბრისას განაცხადა, მკვლელობის გამოძიებასთან დაკავშირებით არსებობს რიგი კითხვები, რომელიც ეჭვებს იწვევს.

"როდესაც დაასრულა საგამოძიებო კომისიამ მუშაობა, უმრავლესობამ მივიღეთ დადგენილება, სადაც საუბარი იყო იმაზე, რომ თუ იკვეთებოდა კონკრეტული პირების პასუხისმგებლობა ამ საქმესთან დაკავშირებით, სათანადო გამოძიება ეწარმოებინათ. ეს რეკომენდაცია კვლავ ძალაშია! ჩვენ პასუხისმგებლები ვართ ზედამხედველობაზე და რა თქმა უნდა, დამატებით შეგვიძლია მოვიკითხოთ, რა ეტაპზეა შესაძლო გადაცდომაზე გამოძიება. ამის საფუძველზე შესაძლოა, გამოკვეთოს პასუხისმგებლობა. ის, რომ გარკვეული საეჭვო გარემოებები იყო, ეს ბადებდა კითხვის ნიშნებს," - აღნიშნავს ირაკლი კობახიძე.

როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ქართული პრესის მიმოხილვა 18.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
D ვიტამინის გავლენა რეპროდუქციულ ჯანმრთელობაზე