ნასაკირალის 4 ნომერში, 3 სახლია დამწვარი, - ამის შესახებ ქალაქ თბილისის მთავარი სამმართველოს უფროსმა, ოთარ კერესელიძემ განაცხადა.

მისივე თქმით, ამ დროისთვის ცეცხლი ლოკალიზებულია და ადგილზე სალიკვიდაციო სამუშაოები მიმდინარეობს.

როგორც მან განმარტა, ადგილზე დილიდან 15 სახანძრო-სამაშველო ბრიგადა მუშაობდა.

"დაახლოებით 09:20 საათზე შემოვიდა შეტყობინება, რომ ავლაბარში, ნასაკირალის ქუჩა 4 ნომერში იწვოდა საცხოვრებელი სახლი. ცეცხლი გავრცელდა გვერდით მდგომ ორ სახლზეც. დამწვარია სამი სახლი. რამდენიმე წუთში, ადგილზე მობილიზებული იყო 15 სახანძრო-სამაშველო ბრიგადა, რამაც აგვაცილა თავიდან ცეცხლის კიდევ უფრო გავრცელება. საბედნიეროდ, დაშავებული არავინაა“, - განაცხადა თბილისის მთავარი სამმართველოს უფროსმა.

როგორც ნასაკირალის 4 ნომერში მცხოვრებმა განაცხადა, გაზის გამათბობელს არ ჰქონდა დამცავი და სწორედ ამან გააჩინა ცეცხლი საცხოვრებელ სახლში.

იხილეთ ვიდეო: ავლაბარში ხანძრის შედეგად 3 სახლი დაიწვა