კახა კალაძე - თბილისის მერია ფიროსმანის, ფურცელაძის და თაბუკაშვილის ქუჩების რეაბილიტაციას იწყებს

თბილისის მერია ფიროსმანის, ფურცელაძის და თაბუკაშვილის ქუჩების რეაბილიტაციას იწყებს, - ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა. მისივე ინფორმაციით, ასევე, იგეგმება თაბუკაშვილის #46-ში მდებარე ე.წ. კადეტთა კორპუსის რეაბილიტაციაც, რომელსაც კულტურული მემკვიდრეობის ძეგლის სტატუსი აქვს მინიჭებული.

„უახლოეს მომავალში ვიწყებთ ფიროსმანის და ფურცელაძის ქუჩების, ასევე თაბუკაშვილის ქუჩის ნაწილის რეაბილიტაციას. ძალიან ბევრი მასშტაბური პროექტის განხორციელებას ვგეგმავთ. გუდიაშვილის მოედნის რეაბილიტაცია ძალიან მალე, ფაქტობრივად, წლის ბოლოსთვის დამთავრდება.

ასევე, მთაწმინდის რაიონში, თაბუკაშვილის #46-ში მდებარე კულტურული მემკვიდრეობის ძეგლის ე.წ. კადეტთა კორპუსის რეაბილიტაციას ვიწყებთ, რომელიც 150 წლის არის. იქ არსებული მდგომარეობა არის უმძიმესი. სიცოცხლისთვის საშიშია ეს კორპუსი. მეოთხე კატეგორიის ავარიულობა აქვს მინიჭებული, შესაბამისად, მნიშვნელოვანია მისი გადარჩენა და რეაბილიტაცია. ახლა მიმდინარეობს პროექტზე მუშაობა, რასაც რამდენიმე თვე დასჭირდება,“ - განაცხადა კახა კალაძემ.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 28.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
შეუდარებელი QLED 8K ტელევიზორი სამსუნგისგან
Jeep-ის ცენტრში დიდი ფასდაკლების აქცია დაიწყო