ახმეტაში ალვანის მოსახლეობასა და საგზაო დეპარტამენტის წარმომადგენლებს შორის შეხვედრა ხმაურის ფონზე მიმდინარეობს

ახმეტის მუნიციპალიტეტის საკრებულოს სხდომათა დარბაზში ალვანის მოსახლეობასა და საგზაო დეპარტამენტის წარმომადგენლებს შორის შეხვედრა ხმაურის ფონზე მიმდინარეობს.

თითქმის ერთი საათია საგზაო დეპარტამენტის წარმომადგენლები და ტენდერში გამარჯვებული კომპანიის თანამშრომლები მოსახლეობას თუშეთის გზაზე არსებულ მდგომარეობაზე და გზის გაწმენდის დაგეგმილ სამუშაოებზე აწვდიან ინფორმაციას.

საგზაო დეპარტამენტის წარმომადგენლის, გოგა წერეთლის განმარტებით, უახლოს დღებში ფშაველი-აბანო-ომალოს გზის 56-ე კილომეტრზე მძიმე ტექნიკა ინტენსიურად გააგრძელებს სამუშაოებს, რისთვისაც ტექნიკა დაემატება.

„შევისწავლეთ დაზიანებული ტერიტორია, რისთვისაც გადაწყდა, რომ დაემატება შესაბამისი ტექნიკა და სამუშაოები დაჩქარებული წესით გაგრძელდება. ამისთვის 10 დღე მაინც დაგვჭირდება“, - აღნიშნა წერეთელმა.

მოსახლეობა კი საგზაო დეპარტამენტის წარმომადგენლების ინფორმაციას უნდობლობას უცხადებენ და შეცდომაში შეყვანის მცდელობაში ადანაშაულებენ.

მათ დისკუსიის დროს საგზაო დეპარტამენტს განუმარტეს, რომ 10 დღე გზის გაწმენდისთვის ბევრია და ეს ტურისტული სეზონს საფრთხეს უქმნის.

მოსახლეობასა და დეპარტამენტის წარმომადგენლებს შორის შეთანხმება ჯერჯერობით ვერ ხერხდება.

იხილეთ ვიდეო: თუშეთის გზის განმწენდით სამუშაოებთან დაკავშირებული შეხვედრა ხმაურის ფონზე წარიმართა

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში