ვაშინგტონში ვიზიტით მყოფი საქართველოს პარლამენტის დელეგაციის საპატივსაცემოდ, რომელსაც პარლამენტის თავმჯდომარის პირველი მოადგილე, თამარ ჩუგოშვილი ხელმძღვანელობს, აშშ-ში საქართველოს საელჩომ მიღებას უმასპინძლა, - ამის შესახებ „ინტერპრესნიუსს“ საქართველოს პარლამენტის პრესსამსახურმა აცნობა.

მათივე ცნობით, საღამოზე მიწვეულნი იყვნენ აშშ კონგრესისა მაღალი რანგის თანამშრომლები, ასევე სახელმწიფო დეპარტამენტისა და კვლევითი ინსტიტუტების წარმომადგენლები. მათი ნაწილი ჩართული იყო და ხელს უწყობდა პროცესს, რომელიც კონგრესში საქართველოს მხარდამჭერი აქტის გასვლას უკავშირდება.

მიღებაზე მხარეებმა ხაზი გაუსვეს ორ ქვეყანას შორის არსებულ მჭიდრო ურთიერთობებს და სამომავალო თანამშრომლობის გეგმებზე ისაუბრეს.