დღეს, სასტუმრო „რუმსში“, Echowaves Festival-ის ორგანიზატორები პრესკონფერენციას გამართავენ, სადაც მოხდება Line Up-ის მეორე ნაწილის დაანონსება, 2018 წლის შეფასება და 2019 წლის გეგმების გაცნობა აუდიტორიისთვის; ასევე აქტივობებისა და სიახლეების წარდგენა და სხვა დეტალების განხილვა.

ამის შესახებ „ინტერპრესნიუსს“ ღონისძიების ორგანიზატორებმა აცნობეს.

„პრესკონფერენციას წარუძღვებიან: ფესტივალ Echowaves-ის ორგანიზატორი - Anaklia Entertainment Group-ის დირექტორი ბრანე კოსტადინოვი; ფესტივალ Echowaves-ის საზოგადოებასთან ურთიერთობისა და მარკეტინგის ხელმძღვანელი ნინი რეხვიაშვილი.

Echowaves ელექტრონული მუსიკის ფესტივალია, რომელმაც 2018 წლის აგვისტოში დაიდო ბინა შავი ზღვის სანაპიროზე - კურორტ ანაკლიაში. ის 2014 წლის ევროპის საუკეთესო ფესტივალის ტიტულის მქონე Exit-ის მხარდაჭერით ტარდება. ფესტივალმა გასულ წელს წარმატებული სტარტი აიღო და 150-მდე დიჯეის და 10 000-ზე მეტ სტუმარს უმასპინძლა. ის მალევე გახდა ცნობილი მასშტაბურობითა და დადებითი შეფასებებით როგორც რეგიონში, ასევე ევროპულ ქვეყნებში და 2018 წლის საუკეთესო ახალი ფესტივალის ნომინაციის შორთლისთშიც აღმოჩნდა. 2019 წელს ფესტივალი 22-25 აგვისტოს გაიმართება“, - აღნიშნულია ორგანიზატორების მიერ გავრცელებულ ინფორმაციაში.