გრიგოლ ვაშაძე - ასფალტმაც კი იცის, რომ 2020 წელს  ხელისუფლების ცვლილება მოხდება

ყველამ იცის, ამ შენობის წინ ასფალტმაც კი იცის, რომ 2020 წელს მოხდება ხელისუფლების ცვლილება, მაგრამ გვინდა ე.წ. "ქართულ ოცნებას" საშუალება მივცეთ კიდევ ერთხელ გაიაზროს ის, რომ მთელ საზოგადოებასთან არის დაპირისპირებული,- ამის შესახებ „ქორთიარდ მარიოტის“ წინ "ნაციონალური მოძრაობის" თავმჯდომარემ გრიგოლ ვაშაძემ, 20 ოპოზიციური პარტიის ლიდერთა შეხვედრაზე განაცხადა.

მისი თქმით, საარჩევნო სისტემის ცვლილების აუცილებლობის მოთხოვნისთვის საჭირო 300 ათასამდე ხელმოწერა უკვე შეგროვდა.

"დღეს მთლიანად ოპოზიცია-20 პარტია და სამოქალაქო მოძრაობა შეიკრიბა იმისთვის, რომ შუალედური შედეგები შევაჯამოთ. 300 ათასამდე ხელმოწერაა შეგროვებული. ამ პროცესს გავაგრძელებთ. სახეზეა უპრეცედენტო კონსენსუსი პოლიტიკურ პარტიებში, სამოქალაქო საზოგადოებაში, საერთაშორისო ორგანიზაციებში. ყველამ იცის, რომ ეს სისტემა, რომელიც ასე ადვილად იძლევა გაყალბების საშუალებას უნდა შეიცვალოს გაცილებით უფრო სამართლიანი სისტემით. ყველამ იცის, ამ შენობის წინ ასფალტმაც კი იცის, რომ 2020 წელს მოხდება ხელისუფლების ცვლილება, მაგრამ გვინდა ე.წ. "ქართულ ოცნებას" საშუალება მივცეთ კიდევ ერთხელ გაიაზროს ის რომ მთელ საზოგადოებასთან არის დაპირისპირებული და ცივილიზებული პოლიტიკური გზით განახორციელოს ეს პროცესი",- განაცხადა ვაშაძემ.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 27.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა