დაშავებული სამხედროები შოტლანდიაში გაემგზავრნენ

საბრძოლო მოქმედებებსა და საერთაშორისო მისიებში დაჭრილი და დაშავებული ექვსი ქართველი სამხედრო სპორტულ ღონისძიებაში - „მარშირება რთულ რელიეფზე“ მონაწილეობის მისაღებად შოტლანდიაში დღეს დილით გაემგზავრა. ინფორმაციას თავდაცვის სამინისტრო ავრცელებს.

გამგზავრებამდე სამხედროებს თავდაცვის მინისტრის მოადგილე ზაალ კაპანაძე, თავდაცვის ძალების მეთურის მოადგილეები, ბრიგადის გენერალი ნიკოლოზ ჯანჯღავა და გენერალ-მაიორი შალვა ჯაბახიძე გენერალურ შტაბში შეხვდნენ და სპორტულ ასპარეზობაში წარმატება უსურვეს.

ექვსი სამხედრო - კაპრალი ალექსი ბერუაშვილი, უმცროსი სერჟანტი გიორგი ბოჭორიშვილი, უფროსი სერჟანტი პაატა ჯიბუტი, მაიორი მურთაზ ოსეფაიშვილი, სერჟანტი ზურაბ ბაღათურია და რეაბილიტოლოგი ლაშა მეტრეველი 6-12 ივნისს შოტლანდიის ქალაქ პერზირში "Allied Forces Foundation"-ის (მოკავშირე ძალების ფონდი) ეგიდით გამართულ მარშში ჩაერთვებიან.

ტურნირში მონაწილეობის მისაღებად მათ შესარჩევი ეტაპი საქართველოში რთულ რელიეფზე გადაადგილებაში გაიარეს.

სპორტულ ღონისძიებაში ქართველი სამხედროების გარდა, სხვადასხვა ქვეყნის - აშშ-ის, დიდი ბრიტანეთის, კანადის, უკრაინისა და სხვა პარტნიორი ქვეყნების ათასზე მეტი წარმომადგენელი მონაწილეობს.

ღონისძიება მიზნად ისახავს დაჭრილი და დაშავებული სამხედრო მოსამსახურეების თავდაჯერებულობისა და თვითშეფასების ამაღლებას, რაც მათ თვითრეალიზაციაში დაეხმარება. სპორტული აქტივობები დაჭრილ და დაშავებულ სამხედრო მოსამსახურეებს კონტაქტის დამყარების, ინფორმაციის გაცვლისა და გამოცდილების გაზიარების შესაძლებლობასაც აძლევს.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)