გერმანელ ექთანს ნილს ჰიოგელს 85 ადამიანის მკვლელობისთვის სამუდამო პატიმრობა მიუსაჯეს. ეს მკვლელობები მან ჩაიდინა გერმანიის ჩრდილოეთში, ორ სხვადასხვა საავადმყოფოში 1999 წლიდან 2005 წლამდე. ამ ინფორმაციას „ბი-ბი-სი“ ავრცელებს. ექთანი ჯერ გულის პრეპარატების სასიკვდილო დოზას უკეთებდა პაციენტებს, შემდეგ კი პირველი მივარდებოდა გადასარჩენად, კოლეგებზე შთაბეჭდილების მოხდენის მიზნით. მას მეტსახელად „რეანიმატორი რემბო“ შეარქვეს.

თავად მსჯავრდებული 55 ადამიანის მკვლელობას აღიარებს. ის თანამედროვე გერმანიის ისტორიაში ყველაზე სისხლიანი სერიული მკვლელია.