მამუკა ბახტაძე - საქართველო პირველი ქვეყანაა მსოფლიოში, სადაც “ბლოკჩეინის“ ტექნოლოგია საჯარო სამსახურში გამოიყენება მომსახურების მიწოდების მიზნით

საქართველო პირველი ქვეყანაა მსოფლიოში, სადაც “ბლოკჩეინის“ ტექნოლოგია საჯარო სამსახურში გამოიყენება მომსახურების მიწოდების მიზნით, - ამის შესახებ საქართველოს პრემიერ-მინისტრმა მამუკა ბახტაძემ კალიფორნიის Commonwealth club-ში საჯარო გამოსვლისას განაცხადა.

პრესსამსახურის ინფორმაციით, მთავრობის მეთაურმა ისაუბრა განათლებაში კაპიტალდაბანდების ზრდაზე, ენერგეტიკისა და გარემოს დაცვის სფეროში ინოვაციების დანერგვის პროცესსა და ინოვაციების საფუძველზე საქართველოში ეკოსისტემის შექმნაზე.

“ახლახან წარვადგინე ჩვენი „მწვანე ეკონომიკის“ სტრატეგია, რომელიც ეფუძნება გარემოს დაცვის პრინციპს, რათა მთელს ქვეყანაში გაუმჯობესდეს ეკოლოგიური მდგომარეობა და მომავალი თაობებისთვის მოხდეს ბუნებრივი რესურსების დაზოგვა და გაფრთხილება. ორი პრიორიტეტი მაქვს გამოკვეთილი ამ სტრატეგიაში - ადრე არსებული უპასუხისმგებლო ეკოლოგიური ვითარების მართვის შედეგების განეიტრალება და არსებული ბუნებრივი რესურსების შენარჩუნება ისე, რომ საქართველოს გამოკვეთილი როლი იყოს უზრუნველყოფილი მწვანე ეკონომიკის კონტექსტში. შედეგად მოვიზიდეთ პირდაპირი უცხოური ინვესტიციების ნაკადი, რომელიც მზის პანელებისა და ელექტრონული მანქანების წარმოებას მოიცავს”, - აღნიშნა პრემიერმა.

მთავრობის მეთაურმა ხაზი გაუსვა ინვესტიციების განხორციელების მნიშვნელობას ინფრასტრუქტურაში, მათ შორის თანამედროვე გზებში, პორტებში და მაღალი პროფესიული უნარების მქონე, კვალიფიციური სამუშაო ძალის შექმნაში და განაცხადა, რომ ამ მიმართულებით ქმედითი ნაბიჯები იდგმება.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთის" 500 000-ლარიანი მხარდაჭერა ბავშვთა მცირე საოჯახო სახლებს
კომპანია "ნოვა" პანდემიის გამოწვევის დასაძლევად 65 000 ლარს გამოყოფს