ბიჭოთი ელაპარაკე შენს თანაფრაქციელებს. ვინ მოგცათ აქ ბაკქანალიის მოწყობის უფლება?- ასე მიმართა „ევროპული საქართველოს“ ერთ-ერთმა ლიდერმა გიგა ბოკერიამ უმრავლესობის წევრს გიგა ბუკიას პარლამენტის დარგობრივი ეკონომიკის და ეკონომიკური პოლიტიკის სხდომაზე.

დეპუტატებს შორის სიტყვიერი დაპირისპირება კომიტეტის სხდომაზე მას შემდეგ დაიწყო, რაც გიგა ბოკერიამ ნათია თურნავას რამდენიმე კითხვა დაუსვა.

„ევროპული საქართველოს“ ერთ-ერთმა ლიდერმა გიგა ბოკერიამ ეკონომიკის და მდგრადი განვითარების მინისტრ ნათია თურნავას ჰკითხა ჭიათურაში მიმდინარე მოვლენებს თვალყურს დეტალურად თუ ადევნებდა და მინისტრს პასუხის გაცემა დაუყოვნებლივ, საკუთარ დროში მოსთხოვა, თუმცა თურნავამ აღნიშნულ კითხვას პასუხი არ გასცა, რასაც ბოკერიას გაღიზიანება მოჰყვა.

გიგა ბოკერიას სხდომათა დარბაზში უმრავლესობის წევრებმა რამდენჯერე შენიშვნა მისცეს შენიშვნა, რომ კითხვები დაესვა, ხოლო პასუხებს მოგვიანებით მიიღებდა.

გიგა ბოკერიას ერთ-ერთი კითხვა მინისტრის მისამართით იყო - იცნობდა თუ არა ის „რემენას“, რასაც ნათია თურნავამ არ უპასუხა. გიგა ბოკერიას აღნიშნულ კითხვაზე უმრავლესობის წევრმა გიგა ბუკიამ განაცხადა, რომ მინისტრი დაკითხვაზე არ არის მისული.

„დაკითხვაზე კი არ არის მოსული, კითხვები დასვით და გიპასუხებთ. უშიშროების საბჭოს მდივანი კი აღარ ხარ“,- მიმართა ბუკიამ ბოკერიას.

„დაკითხვაზე ნამყოფი ვარ, კიდევ ვიქნები და შენ რომ მოხვდები დაკითხვაზე ვნახოთ იქ როგორ გაუძლებ. ახლა, შენობით მოგმართავ, რადგან ბედავ, რომ მაწყვეტინებ. ბიჭოთი ელაპარაკე შენს თანაფრაქციელებს“, - მიმართა ბოკერიამ გიგა ბუკიას.

იხილეთ ვიდეო