„ქართული ოცნება - დემოკრატიული საქართველოს“ მთაწმინდის მაჟორიტარი დეპუტატობის კანდიდატმა, ლადო კახაძემ საარჩევნო კამპანია ოქროყანაში შეაჯამა.

როგორც „ინტერპრესნიუსს“ პარტიიდან „ქართული ოცნება-დემოკრატიული საქართველო“ აცნობეს, ადგილობრივ მოსახლეობასთან შეხვედრის დროს მმართველი გუნდის კანდიდატმა მთაწმინდის თითოეულ მცხოვრებს აქტიური მხარდაჭერისათვის მადლობა გადაუხადა და ამომრჩევლებს კვირას, 9 ივნისის არჩევნებზე აქტიურობისკენ მოუწოდა.

„ყველა შეხვედრა, რაც საარჩევნო კამპანიის დროს გავმართე, იყო უაღრესად ნაყოფიერი და საინტერესო. მე დეტალურად ვიცი ჩემი მთაწმინდელების საჭიროება და გამარჯვებისთანავე დავიწყებ მუშაობას, რომ არსებული საკითხები მოკლე დროში გადავჭრათ. უღრმესი მადლობა მინდა ვუთხრა თითოეულ მთაწმინდელს, თქვენი მხარდაჭერა მაძლიერებს და მარწმუნებს, რომ სწორი გადაწყვეტილება მივიღე. ძალიან ცოტა დარჩა საბოლოო გამარჯვებამდე“, - განაცხადა ლადო კახაძემ.