ტურიზმის ადმინისტრაციამ Bloomberg-ზე საქართველოს საიმიჯო კამპანია დაიწყო

ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ მსოფლიოში ერთ-ერთ ყველაზე გავლენიან მედიასაშუალება Bloomberg-ზე სატელევიზიო და ციფრული მარკეტინგული კამპანია დაიწყო. როგორც „ინტერპრესნიუსს“ ტურიზმის ეროვნული ადმინისტრაციის პრესსამსახურიდან აცნობეს, Bloomberg-ის პორტალზე საქართველოს შესახებ სპეციალური გვერდი შეიქმნა, სადაც საქართველოს ტურისტული პოტენციალის შესახებ ვიდეორგოლი, სტატია და ფოტოგალერია არის განთავსებული. Bloomberg-ის საიტზე საქართველოს შესახებ ელექტრონული ბანერები განთავსთა, ხოლო ტელეკომპანიის ეთერით ვიდეორგოლი გადაიცემა. საქართველოს შესახებ Bloomberg-ზე კამპანია 7 ივნისს დაიწყო და 7 ივლისს დასრულდება.

სარეკლამო კამპანია Bloomberg-ის მრავალმილიონიან აუდიტორიას ევროპაში, ახლო აღმოსავლეთსა და ამერიკის შეერთებულ შტატებში საქართველოს ტურისტულ პოტენციალს გააცნობს.

„სამხრეთ კავკასიის მთებში მდებარე მშვენიერი ქვეყანა საქართველო, ულამაზესი დედაქალაქით, საოცარი არქიტექტურით, მშვენიერი კერძებით, უნიკალური კულტურის ნაზავით, ისტორიით და რა თქმა უნდა კარგი ღვინო. ეს არის ქვეყანა, სადაც დასავლეთ აზია აღმოსავლეთ ერთმანეთს ხვდება“, - ნათქვამია ვიდეორგოლში.

Bloomberg-ის ფოკუსში საქართველოს ტურისტული ადგილები, სამთო კურორტები, კულტურული ძეგლები, სუხიშვილების ცეკვა, ქართული ღვინო და კერძები მოხვდა.

ტელეკომპანია Bloomberg-ს მსოფლიოს 70-ზე მეტ ქვეყანაში 433 მილიონი მაყურებელი ჰყავს.

მსოფლიოში ერთ-ერთი ყველაზე გავლენიანი მედიასაშუალების გადამღები ჯგუფი საქართველოში ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ მოიწვია.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)