ჰონგ-კონგში მასობრივი საპროტესტო აქცია გაიმართა. მასში ათასობით ადამიანმა მიიღო მონაწილოება. ისინი ჩინეთის მიერ მიღებულ კანონს აპროტესტებდნენ, რომლის მიხედვითაც ჩინეთს უფლება ექნება ჰონგ-კონგში დაკავებული პატიმრები ჩინეთის სხვა ნაწილში გადაიყვანოს და იქ გაასამართლოს.
ჰონგ-კონგში მიიჩნევენ, რომ ეს მათი უფლებების უხეში დარღვევაა და ოფიციალური პეკინისგან მოითხოვენ მათ საქმეში არ ჩაერიონ.
შეგახსენებთ, რომ ჰონგ-კონგი ჩინეთის სამხრეთ-აღმოსავლეთით მდებარე სპეციალური ადმინისტრაციული რეგიონია, რომელიც მე-19-მე-20 საუკუნეებში ბრიტანეთის იმპერიის ნაწილს წარმოადგენდა. ის მხოლოდ 1997 წელს გადაეცა ჩინეთს იმ პირობით, რომ ჩინეთი არ ჩაერეოდა ჰონგ-კონგის შიდა საქმეებში და იმუშავებდა პრინციპი „ერთი ქვეყანა, ორი სისტემა“.
იხილეთ ვიდეო: ჰონგ-კონგში მასობრივი საპროტესტო აქცია გაიმართა