ირაკლი სესიაშვილი საარჩევნო უბანზე მისვლაზე - მოვედი როგორც რიგითი მოქალაქე და პოლიტიკოსი, რომელსაც უნდა ჰქონდეს სწორი აღქმა, როგორ მიმდინარეობს არჩევნები

არჩევნებს ვაკვირდები როგორც მოქალაქე. რა პრობლემაა, არც კანონი მიკრძალავს, - ამის შესახებ თავდაცვისა და უშიშროების კომიტეტის თავმჯდომარემ, ირაკლი სესიაშვილმა ჟურნალისტებს #42-ე სკოლაში გახსნილ ერთ-ერთ საარჩევნო უბანზე განუცხადა.

ჟურნალისტების კითხვაზე, დეპუტატების ყოფნამ საარჩევნო უბნების მიმდებარე ტერიტორიაზე ამომრჩევლის ნების კონტროლთან დაკავშირებით შეიძლება თუ არა კითხვები გააჩინოს, სესიაშვილმა უპასუხა, რომ ის აქ იმყოფება, როგორც მოქალაქე და პოლიტიკოსი და ამომრჩეველს არც კი გასაუბრებია.

ამასთან, სესიაშვილის თქმით, მისთვის ძალიან მნიშვნელოვანია არჩევნები მშვიდად ჩატარდეს. მისივე განმარტებით, მისი აქ ყოფნა „არავითარი დავალება არ არის".

„პირველ რიგში ჩვენ პოლიტიკოსები ვართ და როცა თქვენ მისვამთ კითხვას, რომ როგორ ტარდება არჩევნები, ამაზე უნდა გიპასუხოთ. მე არ ვარ დამკვირვებელი, მე მოვედი როგორც რიგითი მოქალაქე და პოლიტიკოსი , რომელსაც უნდა ჰქონდეს სწორი აღქმა, როგორ მიმდინარეობს არჩევნები. თქვენ ხედავთ, რომ მე არც ერთ ამომრჩეველს არ გავსაუბრებივარ, მეტიც, ოპონენტებსაც ვესაუბრები და ესეც ბუნებრივი თემაა. პოლიტიკოსი უნდა იყოს იქ, სადაც პოლიტიკური პროცესია“, - განაცხადა ირაკლი სესიაშვილმა.

ირაკლი სესიაშვილის თქმით, დღეს „ქართული ოცნები" კანდიდატი გაიმარჯვებს.

„ის თავისუფალი არჩევნები, რაც ჩვენი ხელისუფლების ძალისხმევით დამკვიდრდა ქვეყანაში, არის დემოკრატიის ძალიან მნიშვნელოვანი მონაპოვარი.

ცალკეული ინციდენტები სადაც გვქონდა, ჩვენ ყველა ვხედავთ, რომ ოპოზიცია მეტ აგრესიულობას იჩენს არჩევნების დროს. ესეც არ არის კატასტროფა. სამწუხაროდ , ჩვენ გვყავს ოპონენტები, რომელიც ხელისუფლებაში იყვნენ და პროვოკაციებით მართავდნენ ქვეყანას და არ გაგვიკვირდეს, რომ ოპოზიციაში ყოფნის დროსაც პროვოკაციულ სტრატეგიას მიმართავდნენ. ამ ყველაფერს ჩვენი ამომრჩეველი, ხალხი ხედავს და იმასაც ხედავს, რასაც ჩვენ ვაკეთებთ. არჩევანს გონიერი ამომრჩეველი ადვილად გააკეთებს და მე დარწმუნებული ვარ, რომ ამ არჩევნებში მთაწმინდაზე ჩვენი კანდიდატი გაიმარჯვებს", - აცხადებს ირაკლი სესიაშვილი.

საარჩევნო უბნის მიმდებარე ტერიტორიაზე დეპუტატი ბექა ოდიშარიაც იმყოფება.

იხილეთ ვიდეო: მოვედი როგორც რიგითი მოქალაქე და პოლიტიკოსი - ირაკლი სესიაშვილი საარჩევნო უბანზე მისვლაზე

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო