ცესკო არჩევნებში ჩართულ ყველა მხარეს მოუწოდებს, ხელი შეუწყონ საარჩევნო კომისიებს, რათა დროულად დასრულდეს ხმების დათვლა

მთაწმინდის საარჩევნო ოლქში 20:00 საათზე ყველა საარჩევნო უბანი დროულად დაიხურა და მიმდინარეობს ხმების დათვლის პროცესი, - ამის შესახებ ცენტრალური საარჩევნო კომისიის პრესსპიკერმა ანა მიქელაძემ ბრიფინგზე განაცხადა.

ცესკო არჩევნებში ჩართულ ყველა მხარეს მოუწოდებს, ხელი შეუწყონ საუბნო საარჩევნო კომისიებს, რომ მათ თავიანთი საქმიანობა განახორციელონ და ხმების დათვლა დროულად მოხდეს.

„20:00 საათზე ყველა საარჩევნო უბანი კანონის შესაბამისად, დროულად დაიხურა. აღსანიშნავია, რომ არჩევნების პროცესმა მშვიდ ვითარებაში, არსებითი ხარვეზების გარეშე ჩაიარა და ამომრჩევლებმა დაბრკოლების გარეშე მიიღეს კენჭისყრაში მონაწილეობა. ამ წუთებში საუბნო საარჩევნო კომისიებში მიმდინარეობს ბიულეტენების დათვლის პროცესი. საარჩევნო ადმინისტრაცია არჩევნებში ჩართულ ყველა მხარეს მოუწოდებს, ხელი შეუწყონ საარჩევნო კომისიებს, განახორციელონ თავიანთი საქმიანობა, რათა კანონის შესაბამისად წარიმართოს და დროულად დასრულდეს ხმების დათვლა. თავის მხრივ, საარჩევნო ადმინისტრაცია უზრუნველყოფს პროცესის გამჭვირვალობას და უბანზე ყოფნის უფლების მქონე ყველა პირს შესაძლებლობა აქვს, დააკვირდეს მიმდინარე პროცედურებს",- განაცხადა ანა მიქელაძემ.

მისი ინფორმაციით, მას შემდეგ, რაც საუბნო საარჩევნო კომისიები დაასრულებენ ხმების დათვლას და შედგება შემაჯამებელი ოქმები, ისინი მიეწოდება მთაწმინდის საოლქო საარჩევნო კომისიას, რომელიც მათ სპეციალურ ელექტრონულ პროგრამაში ატვირთავს. ცესკო საუბნო შემაჯამებელ ოქმებს მიღებისთანავე გაასაჯაროვებს სპეციალური ვებგვერდის results.cec.gov.ge საშუალებით და ეს ინფორმაცია ხელმისაწვდომი იქნება ყველა დაინტერესებული პირისთვის.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა