ვერავითარ შემთხვევაში, ვერანაირ არსებით გავლენას ვერ მოახდენდა რაიმე ტიპის ხარვეზები არჩევნების შედეგზე, - ამის შესახებ პარლამენტის თავმჯდომარემ ირაკლი კობახიძემ დარღვევებსა და საარჩევნო უბნებზე კრიმინალების მობილიზებაზე ოპოზიციის ბრალდებების საპასუხოდ განაცხადა. როგორც კობახიძემ აღნიშნა, ამომრჩეველს ჰქონდა სათანადო გარემოში არჩევანის გაკეთების საშუალება

„ყველა ხედავდა იმ ვითარებას, რომელიც იყო არჩევნების გარშემო შექმნილი. ამომრჩეველს ჰქონდა სათანადო გარემოში არჩევანის გაკეთების საშუალება. შეიძლება იყო მცირე ხარვეზები, თუმცა ვერავითარ შემთხვევაში ვერანაირ არსებით გავლენას ვერ მოახდენდა, რაიმე ტიპის ხარვეზები არჩევნების შედეგზე. რეალურად დაიდო ის შედეგი, რომელიც აჩვენა მთაწმინდის ოლქის ამომრჩეველმა. ამომრჩეველმა გამოხატა საკუთარი ნება და ამ ნებას ასახავს ის ციფრები, რომელზეც ვსაუბრობთ“, - განაცხადა ირაკლი კობახიძემ.