ცხინვალის რეგიონის დე ფაქტო ცესკომ ე.წ საპარლამენტო არჩევნების წინასწარი შედეგები გამოაცხადა. შედეგების მიხედვით, პარტია „ერთიანი ოსეთი“ ლიდერობს, რომელმაც 3 279 ხმა მოაგროვა.

სეპარატისტული რეჟიმის ცენტრალური საარჩევნო კომისიის ხელმძღვანელის, ბელა პლიევას განმარტებით, კომისიამ მონაცემები მხოლოდ 15 უბნიდან მიიღო.

ოკუპირებულ “სამხრეთ ოსეთში” გუშინ ე.წ პარლამენტის მეშვიდე მოწვევის არჩევნები გაიმართა. ხმის მიცემის პროცესი 77 უბანსა და 17 ოლქში მიმდინარეობდა. 73 უბანი ე.წ სამხრეთ ოსეთის ტერიტორიაზე იყო გახსნილი, 1 მოსკოვში, 2 ჩრდილოეთ ოსეთში მდებარე ე.წ საკონსულოს ტერიტორიაზე, ერთი კი ოკუპირებულ აფხაზეთში. ე.წ დეპუტატის პოსტისთვის 188 კანდიდატი იბრძვის, აქედან 90 7 პოლიტიკური პარტიის მიერ არის წარდგენილი.