„ქართული ოცნების" ცენტრალურ ოფისში უმრავლესობის სხდომა დასრულდა. როგორც სხდომის დასრულების შემდეგ "ქართული ოცნების" წევრმა შოთა ხაბარელმა ჟურნალისტებს განუცხადა, შეხვედრაზე საუბარი შეეხო მიმდინარე პოლიტიკურ საკითხებს, მათ შორის, ჩატარებულ არჩევნებსა და მართლმსაჯულების რეფორმის მეოთხე ტალღას.

„განვიხილეთ ყველა ის პროცესი, რაც დღეს საქართველოშია. რა თქმა უნდა, საუბარი იყო არჩევნების შესახებ და ის შეფასებულია, როგორც მაღალ დონეზე ჩატარებული არჩევნები, სადაც დაცული იყო ყველა ნორმა", - განაცხადა ხაბარელმა.

კითხვაზე, განხილული იყო თუ არა უმრავლესობის სხდომაზე საკადრო ცვლილებები, დეპუტატი პასუხობს, რომ ამ საკითხზე საუბარი არ ყოფილა.