დეპუტატი მერაბ ქვარაია - მე თვითონ ნასამართლევი ვარ და ჩემი თავი კრიმინალი არ მგონია

მე თვითონ ნასამართლევი ვარ და კრიმინალი არ მგონია ჩემი თავი, - ასე მიმართა საპარლამენტო უმრავლესობის დეპუტატმა მერაბ ქვარაიამ „ევროპული საქართველოს“ ერთ-ერთ წევრს, ოთარ კახიძეს ადამიანის უფლებათა დაცვის კომიტეტის სხდომაზე. ქვარაიამ კახიძის იმ განცხადებას უპასუხა, რომელიც საარჩევნო უბნებზე ე.წ. კრიმინალური სამყაროს წარმომადგენლების მობილიზებას ეხებოდა. დეპუტატის თქმით, ის თავად აკვირდებოდა მთაწმინდის რამდენიმე უბანზე საარჩევნო პროცესს და აღნიშნა, რომ “ეს იყო ძალიან მაღალი სტანდარტით ჩატარებული არჩევნები“.

„პირდაპირ უნდა ვთქვათ, რომ ჩვენი ქვეყანა გაიზარდა და საკმაოდ მაღალი სტანდარტით ხდება ყველაფერი. ამიტომ, რაღაც ჩირქი მოვცხოთ ამ არჩევნებს და ვიღაცისკენ ხელი გავიშვიროთ, არ შეიძლება. ცოტა უხერხულია ჩვენი ამომრჩევლების მიმართ გამოვიჩინოთ ასეთი უპატივცემულობა, რომ ვიღაცა თავს ახვევს, კრიმინალი იქნება თუ ვინ იქნება. ჩვენი ამომრჩეველი მგონი არ იღებს ასე მარტივად გადაწყვეტილებას და საკმაოდ ჩამოყალიბებული გადაწყვეტილებით მიდის არჩევნებზე. ცოტა გაუგებარია, რომ ადამიანებს კრიმინალის იარლიყი ასე უპასუხისმგებლოდ ვესროლოთ და მივაწებოთ, ესეც არ არის სწორი, მით უფრო ოთარ კახიძისგან გამიკვირდა ნამდვილად. ნასამართლევი თუა ადამიანი, ის კრიმინალი რატომ უნდა იყოს, ვერ ვხვდები. ნასამართლევი უამრავი ადამიანია, მით უმეტეს იმ წლებში როცა თქვენი ხელისუფლება მართავდა. მე თვითონ ნასამართლევი ვარ და კრიმინალი არ მგონია ჩემი თავი“, - განაცხადა ქვარაიამ.

უმრავლესობის დეპუტატმა ოპოზიციის წარმომადგენლებს მიმართა და მოუწოდა, ყველაფერზე მაღლა დადგნენ და არჩევნებში გამარჯვება მიულოცონ ლადო კახაძეს.

ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ქართული პრესის მიმოხილვა 17.01.2020
ვახტანგ ძაბირაძე - იმ ვითარებაში, როგორშიც ახლა ოპოზიციაა, ხელისუფლებას, რა თქმა უნდა, აქვს ძალაუფლების შენარჩუნების შანსი
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა