გიორგი ტუღუში - სახელმწიფო ინსპექტორის სამსახურის დამოუკიდებლობა კითხვის  ნიშნის ქვეშ დგას

აშკარად ვხედავ, რომ სახელმწიფო ინსპექტორის სამსახურის დამოუკიდებლობა კითხვის ნიშნის ქვეშ დგას მომავალში, - ამის შესახებ სახელმწიფო ინსპექტორის სამსახურთან დაკავშირებით „ევროპული საქართველოს“ დეპუტატმა გიორგი ტუღუშმა განაცხადა. მისივე თქმით, კონკურსი მთლიანად ერთ კანდიდატზეა მორგებული.

„რეალურად, რამდენიმე პრობლემა გვაქვს, რომელიც უკავშირდება ახალი ინსპექტორის არჩევას: პირველი - ეს არის თავად კონკურსი, რომელიც ჩატარდა გარკვეული დარღვევებით და ყველანი ვხედავთ, რომ კონკურსი მორგებულია იმაზე, რომ იყოს მხოლოდ ერთი ადამიანი. მხოლოდ ერთი კანდიდატი აკმაყოფილებდა რეალურად კრიტერიუმებს, რასაც კანონი ითვალისწინებს. გარდა ამისა, მე პირადად ლონდა თოლორაიას საწინააღმდეგო არაფერი მაქვს, საკმაოდ წარმატებულია იმ თანამდებობაზე, სადაც ჯერ კიდევ მუშაობს, მაგრამ, როდესაც საკითხი ეხება შსს-ს მაღალჩინოსანს, გარდა ამისა მინისტრთან დაახლოებული პირის დანიშვნას იმ თანამდებობაზე რომელმაც მომავალში უნდა გააკონტროლოს სამართალდამცავების საქმიანობა, გამოიძიოს მათ მიერ ჩადენილი დანაშაული - ვთვლი, რომ გვაქვს სერიოზული პრობლემა. თავის დროზე, როდესაც ვითხოვდი, რომ პირდაპირ კანონში ჩადებულიყო შეზღუდვა, რომ არ ჰქონდა შსს-ს თანამშრომელს უფლება, მონაწილეობა მიიღოს კონკურსში, მაშინდელმა უმრავლესობამ არ გაითვალისწინა. ვხედავ აშკარად, რომ კითხვის ნიშნის ქვეშ დგას ამ სამსახურის დამოუკიდებლობა მომავალში“, - განაცხადა ტუღუშმა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში