შსს-ს ინფორმაციით,  მთაწმინდის მე-14 უბანზე ერთ-ერთმა პირმა  საზოგადოებრივი წესრიგი დაარღვია, თუმცა ამჟამად სისხლის სამართლის დანაშაულის ჩადენა არ დგინდება

შინაგან საქმეთა სამინისტროს ინფორმაციით, მთაწმინდის მე-14 საარჩევნო უბანზე მომხდარ ინციდენტში მონაწილე პირმა გ.ბ.-მ დაარღვია საზოგადოებრივი წესრიგი, თუმცა ამ ეტაპზე სისხლის სამართლის კოდექსით გათვალისწინებული დანაშაულის ჩადენა არ დგინდება.

„შინაგან საქმეთა სამინისტროს ქალაქ თბილისის პოლიციის დეპარტამენტის ძველი თბილისის სამმართველოში 10 ივნისს დაიწყო ადმინისტრაციული სამართალწარმოება, საქართველოს ადმინისტრაციულ სამართალდარღვევათა კოდექსის 166-ე მუხლით გათვალისწინებული ქმედების ჩადენისათვის.

ამ ეტაპზე დგინდება, რომ 9 ივნისს, თბილისში, ჯამბულის ქუჩაზე მდებარე N14 საარჩევნო უბნის მიმდებარე ტერიტორიაზე 1986 წელს დაბადებულმა გ.ბ.-მ დაარღვია საზოგადოებრივი წესრიგი, კერძოდ იგი შეურაცხმყოფელი სიტყვებით მიმართავდა მოქალაქეებს.

ამ ეტაპზე, პოლიციის მიერ აღნიშნული ფაქტის შესწავლით, არ დგინდება სისხლის სამართლის კოდექსით გათვალისწინებული დანაშაულის ჩადენა“, - ნათქვამია ინფორმაციაში.

უწყების ცნობით, მიმდინარეობს ინციდენტის შემსწრე პირთა გამოკითხვები.

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში