გიორგი ტუღუში ლონდა თოლორაიას - ხედავთ თუ არა პრობლემას, რომ დღეს თქვენ ხართ შსს-ს ერთ-ერთი მაღალჩინოსანი?

„ევროპული საქართველოს“ ერთ-ერთი ლიდერი გიორგი ტუღუში დაინტერესდა ხედავს თუ არა ლონდა თოლორაია პრობლემას იმაში, რომ სახელმწიფო ინსპექტორად დანიშვნის შემთხვევაში მას შესაძლოა ყოფილი თანამშრომლების დევნა მოუწიოს. ადამიანის უფლებათა დაცვის კომიტეტის სხდომაზე, სადაც სახელმწიფო ინსპექტორის კანდიდატებს უსმენენ, გიორგი ტუღუშმა აღნიშნა, რომ მას ჰქონდა ინიციატივა კანონპროექტის განხილვისას, დოკუმენტში ჩადებულიყო შეზღუდვა, რომ კანდიდატს არ ჰქონოდა ნამუშევარი არც პროკურატურაში და არც შსს-ში მაღალ თანამდებობაზე.

„თქვენ ხედავთ თუ არა იმაში პრობლემას, რომ დღეს თქვენ ხართ შსს-ს ერთ-ერთი მაღალჩინოსანი, მნიშვნელოვანი დეპარტამენტის ხელმძღვანელი, მინისტრთან საკმაოდ დაახლოებული პირი და თუ თქვენ ამ თანამდებობაზე გაგამწესებენ, რაღაც პერიოდში, როცა დაფინანსებაც მოვა და დაკომპლექტდება გამომძიებლებით თქვენი სამსახური, დამტკიცდება დებულება, მოგიწევთ იმ ადამიანთა მიერ ჩადენილი დანაშაულები გამოიძიოთ, რომელთან ერთადაც თქვენ დღეს მუშაობთ, შეიძლება ისინი თქვენს დაქვემდებარებაშიც არიან უშუალოდ და ა.შ.“, - აღნიშნა გიორგი ტუღუშმა.

დიმიტრი ცქიტიშვილი - არ მინდა დავიჯერო, რომ „ქართულ ოცნებას“ იგივე დაემართა, რაც „ნაციონალურ მოძრაობას“
ქართული პრესის მიმოხილვა 09.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი