ყაზახეთში საპროტესტო გამოსვლები და დაკავებები გრძელდება

ყაზახეთში გუშინ გამართული საპრეზიდენტო არჩევნებით უკმაყოფილო მოქალაქეებმა დღეს, ალმატიში საპროტესტო აქცია გამართეს. პოლიციამ აქციის 100-მდე მონაწილე დააკავა. ამ ინფორმაციას „ბი-ბი-სი“ ავრცელებს.

ერთ-ერთმა დაკავებულმა ქალმა სამართალდამცავების ავტობუსში თვითდაზიანება მიიყენა და მის დასახმარებლად სასწრაფო გამოიძახეს.

გუშინ, ყაზახეთის დედაქალაქ ნურ-სულთანში საპროტესტო აქციების დროს 500 კაცი დააკავეს. საპროტესტო აქციის მონაწილეებს მიაჩნიათ, რომ საპრეზიდენტო არჩევნები არასამართლიანი იყო და შედეგი წინასწარ განსაზღვრული.

დღეს ნურ-სულთანში გამართულ პრესკონფერენციაზე ეუთო-ს დამკვირვებელთა მისიის ხელმძღვანელმა გიგი წერეთელმა განაცხადა, რომ ყაზახეთში საპრეზიდენტო არჩევნებზე დაფიქსირებულია ფუნდამენტური უფლებების დარღვევა. „უნდა აღვნიშნოთ, რომ მშვიდობიანი საპროტესტო აქციები, რომლებიც გუშინ გაიმართა მსხვილ ქალაქებში, აღკვეთეს სამართალდამცავებმა და ამას ბევრი ადამიანის დაკავება მოჰყვა”, - განაცხადა გიგი წერეთელმა.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთის" 500 000-ლარიანი მხარდაჭერა ბავშვთა მცირე საოჯახო სახლებს
კომპანია "ნოვა" პანდემიის გამოწვევის დასაძლევად 65 000 ლარს გამოყოფს