ირაკლი კობახიძე - დამოუკიდებელი ინსპექტორის შრომის ანაზღაურება სააპელაციო სასამართლოს მოსამართლის შრომის ანაზღაურებას გაუთანაბრდა

ახალი რეგულაციებით, დამოუკიდებელი ინსპექტორის შრომის ანაზღაურება სააპელაციო სასამართლოს მოსამართლის შრომის ანაზღაურებას გაუთანაბრდა, - ამის შესახებ პარლამენტის თავმჯდომარემ, ირაკლი კობახიძემ, სასამართლო რეფორმის მეოთხე ტალღის, სამუშაო ჯგუფის შეხვედრის დასრულების შემდეგ განაცხადა.

მისივე თქმით, ახალი კანონმდებლობის მიხედვით, „მკაფიოდ გაიწერა ინსპექტორის ანგარიშვალდებულებისა და ინფორმაციის პრაქტიკულად გამოყენების ვალდებულება“.

„ასევე, განმტკიცდა, დამოუკიდებელი ინსპექტორის დამოუკიდებლობის გარანტიები. კერძოდ დაზუსტდა ინსპექტორის უფლებამოსილების შეწყვეტის საფუძვლები. გაიწერა კანონში, რომ სპეციალური გადაწყვეტილება გადაყენების თაობაზე საბჭოს წევრთა 2/3-ის უმრავლესობით მიიღო. ეს გადაწყვეტილება, რეგულაციის თანახმად, ექვემდებარება გასაჩივრებას სასამართლოში. დადგინდა ახალი, დაჩქარებული ვადები ამ საკითხის განხილვისათვის. კანონით შეიზღუდა ინსპექტორის მიმდინარე ხარჯების შემცირება წლიდან წლამდე. განისაზღვრა ინსპექტორის შრომის ანაზღაურება კანონის დონეზე და ის გაუთანაბრდა სააპელაციო სასამართლოს მოსამართლეს შრომის ანაზრაურებას. დადგინდა, რომ ინსპექტორს ექნება დამოუკიდებელი დოკუმენტბრუნვა, შესაბამისად, გაემიჯნა ამ კუთხითაც საბჭოს და დამოუკიდებელი ინსპექტორის ფუნქციები. მკაფიოდ გაიწერა ინსპექტორის ანგარიშვალდებულებისა და ინფორმაციის პრაქტიკულად გამოყენების ვალდებულება. ინსპექტორს მიენიჭა უშუალოდ წვდომა საინფორმაციო ბაზებზე. ასევე, შევიდა ცვლილებები, რომელიც ითვალისწინებს სამოსამართლო ეთიკასთან დაკავშირებით რეგულაციების დაკონკრეტებას. დადგინდა, მოსამართლეთა კონფერენციის უფლებამოსილება, განსაზღვროს სამოსამართლო ეთიკის წესები. ეთიკის საბჭოს დებულება და აირჩიოს ეთიკის საბჭოს წევრები“, - განაცხადა კობახიძემ.

როგორც მან აღნიშნა, ყველა რეგულაციასთან დაკავშირებით შედგა სრული კონსენსუსი სამუშაო ჯგუფში. მისივე თქმით, დისციპლინური წარმოების საკითხებთან დაკავშირებით, თავიდან განსხვავებული პოზიციები იყო, თუმცა საბოლოოდ, მოსაზრებების შეჯერება მოახერხეს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო