ჩინეთში რეკორდული რაოდენობის ნალექის მოსვლის შედეგად 5 ადამიანი გარდაიცვალა, ათასობით კი დახმარების გარეშე დარჩა.
თავსხმა წვიმამ ასობით სახლი და ათასობით ჰექტარი ნათესები გაანადგურა. ადგილობრივი მედიის ცნობით, საერთო ჯამში, 2 მილიონზე მეტი ადამიანი დაზარალდა, გზები და ხიდები კი მნიშვნელოვნად დაზიანდა.
გუიჯოუს პროვინციაში, ერთ-ერთ ქალაქში წყლის სიმაღლემ 2 მეტრს მიაღწია. გუანსი-ჯუანის სამხრეთ-დასავლეთ პროვინციაში 20 ათას აბონენტს ელექტროენერგია არ მიეწოდება, ძიანსის პროვინციაში კი 150 ათასი ადამიანი დროებით თავშესაფარში გადავიდა.
სინოპტიკოსების ინფორმაციით, ძლიერი წვიმა ქვეყანაში კიდევ რამდენიმე დღის განმავლობაში გაგრძელდება.